SBI KA NEW PIN GENRET AND
SBI ATM PIN Generate kaise kare ? How to Generate SBI ATM PIN In Hindi ? SBI ATM PIN Generation In Hindi ? Is post me aapko is topic par puri jaankaari milegi.
Dosto kya aapke paas SBI ka ATM Card hai aur aap uska PIN bhul gaye hai ? ya phir aapne abhi-abhi SBI ka New ATM Card liya hai aur usko Activate karna chah rahe hai? in dono hi conditions me sabse pahle aapko us ATM Card ke liye PIN Generate karna padega. PIN Generate karne ke baad hi aap apna New PIN set kar sakte hai.
Aap is Post ko pura padhiye, isme mai 3 sabse best tarike batane jaa raha hu jisse aap SBI ATM Card ka PIN badi hi aasaan se Generate kar sakte hai. To dosto aaiye ab jaan lete hai ki ye 3 sabse aasaan tarike kon-kon se hai.
Inko Bhi Jaane :-
- SBI New ATM Card Ko Activate Karne Ka Sabse Aasaan Tarika ?
- PNB New ATM Card Ko Activate Kaise Kare ? Puri Jaankari
SBI ATM PIN Generation Through SMS
Is method se aap apne Account Number me Registered Mobile Number se ek SMS bhejkar PIN Generate kar sakte hai. Puri jaankari ke liye niche bataye gaye steps ko follow kare –
- Sabse pahle apne mobile ke Create Message Box me jakar waha ek Message type kare. Sabse pahle Capital Letter me PIN likhen ab Space dekar apne ATM Card ke number ka last 4 digit likhen phir space dekar apne Account Number ka last 4 digit likhen. For Example – PIN XXXX YYYY ( yaha XXXX = ATM Card number ka last 4 digit And YYYY = Account Number ka last 4 digit )

- Message type karke use Registered Mobile Number se 567676par SEND kar de.
- Message Send karne ke kuch der ke baad us Mobile Number par ek SMS aayega jisme aapka One Time PIN likha hoga.
Is tarah se aap SMS ke dwara apne ATM Cum Debit card ke liye PIN Generate kar sakte hai. Chaliye ab dusre tarike ko jaan lete hai.
SBI ATM PIN Generation Through IVRS Customer Care
Is process se aap Customer Care ko call karke PIN Generate kar sakte hai. Iske liye aap neeche bataye gaye step ko follow kare –
- Sabse pehle apne Registered Mobile Number se Customer Care Number 1800122211, 18004253800 ( Toll Free )08026599990 in teeno mein se kisi ek Customer Care Number par call kare.

- Ab bataye gaye nirdesho ko aunkar apna Language ( Bhasha ) chune jisme aage ke option aap sunna chahte hai.
- Ab “ATM And Prepaid Card” ke option ko chune. Chunne ke liye 2 Press kare.
- Ab ” Generate PIN” ke Option ko chune. Chunne ke liye 1 Press kare.
- Ab aapko aapka 16 or 19 digit ATM Cum Debit Card ka Number daalne ko bola jaayega. Yaha aap apna jis bhi ATM ka PIN bhul gaye hai uska Number daal de.
- Aapke ATM Cum Debit Card ke Number ko daalte hi Customer Care ke dwara wah Number dohraya jayega ( bola jayega ). Isko achhi tarah se sune agar sahi hai to Confirm karne ke liye 1 Press kare.
- Ab wah ATM Cum Debit Card aapke jis SBI Account Number se link hoga uska Number manga jayega. Yaha apne SBI ke 11 digit ka Account Number daal de.
- Ab us Account Number ko Customer Care ke dwara dohraya jayega. ( Bola jayega ) . Isko achhi tarah se sune aur agar Account Number sahi hai to Confirm karne ke liye 1 Press kare.
Aisa karne ke baad aapka Call kat jayega aur thodi hi der me us Registered Mobile Number par SBI ke taraf se ek SMS aayega jisme aapko us ATM Card ka One Time PIN hoga.
Inhe Bhi Jaane :-
- SBI ATM PIN Bhul Gaya Ise Forgot, Reset Kaise Kare ?
- Windows 7, 8, 10 Ke Product Key Ko free Me Find Kaise Kare ?
- BOI ATM PIN Change Kaise Kare ?
SBI ATM PIN Generation Through SBI ATM Machine
Is tarike se aap direct SBI ATM Machine se PIN Generate kar sakte hai. iske liye niche bataye steps ko follow kare-
- Iske liye sabse pahle aap kisi bhi SBI ke ATM me chale jaye.
- Iske baad aap apne SBI ke ATM Card ko us machine me swipe kare.
- Jaise hi aap card ko swipe karenge us ATM machine ke screen par bahut saare options nazar aa jayenge. Saare options me se aapko “PIN GENERATION” ke options ko select karna hai jo aapke right side ke sabse neeche me hoga.
- Jaise hi aap PIN generation ke option ko select karenge aapse aapka 11 digit ka Account Number manga jayega, ab aap apna account number enter kar de (wahi account number enter kare jis account se aapka ATM Card link hai).
- Account number enter karne ke baad aapko “Confirm” ke option ko select kare.
- Jaise hi aap confirm ke option ko select karenge aapse 10 digit ka Mobile Number manga jayega, ab aap mobile number enter kar de (wahi mobile number enter kare jo us account me registerd hai).
- Mobile Number enter karne ke baad aapko “Confirm” ke option ko select karna hai.
- Jaise hi aap confirm ke option ko select karenge aapke samne is tarah ka message aayega “DEAR CUSTOMER, STATE BANK APPRECIATES YOU FOR THE GREEN INITIATIVE. PIN SHALL BE SHORTLY DELEVERED TO YOUR REGISTERED MOBILE NUMBER ON SUCCESS OF YOUR TRANSACTION”. Iska matlab hai ki SBI aapko appreciate karta hai green initiative lene ke liye aur aapka PIN kuch di der me aapke registered mobile number me bhej diya jayega jaise hi aapka transaction complete hota hai.
- Isko confirm karne ke liye “Confirm” ke option ko select kare.
- Confirm karte hi aapke samne is tarah ka message aayega “Your transaction is being processed, Please wait”. Iska matlab hai ki aapka transaction abhi process ho raha hai thodi der intajaar kare.
- Iske baad thodi hi der me ATM machine se ek slip niklegi, aap us slip ko collect kar le.

Yah process complete hone ke thodi hi der me aapke registered mobile number par SBI ki taraf se ek message aayega jisme aapke ATM Card ka OTP diya hoga.
To dekha aapne SBI ke ATM Card ke Green PIN ko Generate karna kitna aasaan hai. aapko upar diye 3 Method me jo bhi aasaan lage uska use karke aap apne SBI ke ATM PIN ko Generate kar sakte hai.
Yaad rakhne wali baat yah hai ki yah Generated One Time PIN ka Validity maatra 24 ghante tak hoti hai. Saath hi yah maatra ek baar use kiya ja sakta hai kuki yah ek One Time PIN hota hai. Is Generated PIN ko ab kisi bhi SBI ATM me jaakar 24 ghanto ke andar Change kar dena hoga. PIN Change karne ke baad jo bhi PIN aap rakhenge wahi aapka New PIN set ho jayega, saath hi agar aapke paas New ATM Card tha to wah Activate ho jayega.
Inhe Bhi Jaane :-
- SBI ATM Card Ka PIN Change Kaise Kare ? Step by Step Jaankari
- Mini Statement Kya Hai ? ATM Se Mini Statement Kaise Nikale ?
SBI ATM Cum Debit Card Ka PIN ko kaise Change karte hai iske baare me hamara ek aur post saath hi hamare YouTube Channel par ek Video bhi hai Jiske sahayta se yah sikh sakte hai.
Agar aapko yah post helpful laga aur pasand aaya to ise Social Media me SHARE karna bilkul bhi na bhule. SHARE karne se aap jaruratmand logo ki madad karenge.
Agar aapke man me abhi bhi kisi tarah ka sawal hai to Commentkare, hame aapki madad karke khushi hogi. Dhanyawad
Comments